Vigozoo cambia o "día de portas abertas" para o vindeiro sábado 28 de marzo, día da Reconquista de Vigo, co fin de potenciar esta festa de carácter máis local e representativa da nosa cidade( en anos anteriores o día de portas abertas celebrarase o primeiro de maio). Así, todo o público que visite o zoolóxico durante esta data poderá acceder as instalacións de balde.
Coincidindo con esta data, iníciase o V Concurso de Fotografía Dixital Vigozoo-Caixanova, que nesta edición será de participación online e terá unha duración aproximada dun mes, rematando o vindeiro venres 1º de maio.
Estará subvencionado por CAIXANOVA e dirixido a todo o público que realice fotografías nas instalacións durante todo este período, dende o 28 de marzo ata o 1 de maio.
Nesta edición ampliouse a duración do evento, xa que en pasadas edicións so tiña lugar durante o día de portas abertas.
Bases do concurso
BASES:
Os participantes necesariamente terán que entregar unha fotografía de Vigo-zoo correspondente ao período de duración do concurso.
Os participantes deberán entregar 1 fotografía representativa de Vigo-zoo, xunto coa ficha de inscrición.
Cada participante só poderá presentar unha fotografía. Estas deberán ter unha resolución igual ou superior a 2 megapixeles.
Están comprendidas dúas categorías:
-Categoría júnior: Ata os 17 anos inclusive.
-Categoría sénior: Maiores de idade.
Dentro de cada categoría haberá tres premios que contarán cos seguintes agasallos subvencionados por Caixanova:
-Primeiro premio xúnior: Cámara dixital compacta.
-Segundo premio xúnior: Libro Animal + Wildlife.
-Terceiro premio xúnior: Libro National Geographic + Wildlife.
-Primeiro premio sénior: Cámara dixital compacta.
-Segundo premio sénior: Libro Oceanos + Wildlife.
-Terceiro premio sénior: Libro Tierra + Wildlife.
A realización da fotografía e a súa entrega xunto coa ficha de inscrición realizarase dentro das datas comprendidas entre o 28 de marzo e o 1 de maio de 2009, ámbolos dous incluídos, a través da seguinte dirección de email: educacion.vigozoo@vigo.org . Non se admitirá ningunha fotografía fora deste período.
FUENTE: XORNAL CONCELLO DE VIGO
