Xornal.vigo.org Concello de Vigo Noticias
xoves, 15 de maio 2008
O Marco convida á cidadanía a participar na Festa do Día Internacional do Museos
O concelleiro de Cultura, Xesús López e o director do Marco, Iñaki López Antelo, presentaron hoxe xoves a programación especial que levará a cabo o Museo de Arte Contemporáneo os días 16,17 e 18 de maio con motivo do Día Internacional do Museos que este ano desenvolvese baixo o lema "Os museos como axentes do cambio social". No mesmo acto presentouse a programación do Marco para os meses de maio a agosto deste ano.
Como cada ano dende 1977, o ICOM (Consello Internacional de Museos) convida aos museos do mundo enteiro a celebrar o 18 de maio o Día Internacional do Museo, creado para promover o interese xeral pola xestión e as actividades dos museos e centros de arte.
Para cada edición, o ICOM elixe un lema que permite ter un elemento común de referencia, reflexión e inspiración para celebrar este día e organizar actividades. O slogan elixido para o ano 2008 é "Os museos como axentes do cambio social", subliñando a importancia dos museos como parte activa na evolución da sociedade, e a necesidade de manter o compromiso de convertir a cultura nun nexo integrador que establezca diálogos entre os individuos e as sociedades.
Unha vez máis, o MARCO súmase a esta celebración e invita a toda a cidadanía a participar nesta Festa DIM 2008, a través de actividades que fomentan a participación cidadá, a integración social e o desenvolvemento.
O programa inclúe un proxecto de creación colectiva para público infantil e adulto, obradoiros de animación para familias, experiencias artísticas por Internet na Biblioteca, debuxantes de animación traballando en directo, visitas guiadas ás exposicións, unha mesa informativa da Agrupación de Amigos, ciclos de vídeo, e o concerto de clausura do ciclo Música para plantas, entre outras actividades.
AS ACTIVIDADES
‘Plástico/fronteira’
Taller de creación colectiva para todos os públicos
Dirección: Ramona Rodríguez, coa colaboración de distintos colectivos sociais
Sábado 17 e domingo 18
Zona peonil en torno ao MARCO
De 11.00 a 14.00 e de 17.00 a 20.00
‘Plástico/fronteira’ é un proxecto de Ramona Rodríguez baseado na idea do intercambio e a interacción. Pretende servir de ponte entre a arte contemporánea e as problemáticas sociais, promovendo estratexias que visualicen o labor dos colectivos sociais e que contribúan ao fortalecemento das redes cidadás e á consolidación do entramado social. A experiencia consiste en debuxarse uns aos outros sobre un lenzo de plástico que xoga coa idea de espello e de fronteira visible/invisible, invitando a participar, a confrontar miradas, a colaborar nun proxecto que procura a integración e o respecto á diferenza. A obra artística é creada polo público, e complétase coa realización de entrevistas aos participantes. A acción iníciase coa participación de colectivos de Vigo —Asociación de Amigos de Venezuela, Asociación de Amigos del Uruguay, Asociación Africana AIDA, Asociación Multicultural de Mujeres, Asociación Viguesa ENTRE BARRIOS, Asociación Galego_Brasileira ABRIGA, Asociación de Peruanos en Galicia, Asociación de Madres Latinas, Asociación Cultural para las Migraciones Colombianas— e está aberto á participación de todo o público en xeral, tanto infantil como adulto.
